လွှတ်တင်ခဲ့ပြီးသား Falcon 9 အာကာသလွန်းပျံယာဉ်ကို ပြန်လည်လွှတ်တင်နိုင်ခဲ့ပြီး အာကာသခရီးသွားသမိုင်းမှာ တဆစ်ချိုးနိုင်ခဲ့တဲ့ SpaceX

date_range 31 March 2017

လွှတ်တင်ခဲ့ပြီးသား Falcon 9 အာကာသလွန်းပျံယာဉ်ကို ပြန်လည်လွှတ်တင်နိုင်ခဲ့ပြီး အာကာသခရီးသွားသမိုင်းမှာ တဆစ်ချိုးနိုင်ခဲ့တဲ့ SpaceX

visibility 250 Views

                လွှတ်တင်ပြီးသား အာကာသလွန်းပျံယာဉ်တွေဟာ အရင်တုန်းကဆိုရင် လွှတ်တင်ပြီးတာနဲ့ သုံးမရတော့ပါဘူး။ အာကာသခရီးသွားသမိုင်းမှာ SpaceX ဟာ လွှတ်တင်ပြီးသား အာသာသလွန်းပျံယာဉ်တွေကို ကမ္ဘာမြေပေါ်ကို အောင်အောင်မြင်မြင် ပြန်လည်ဆင်းသက်ခိုင်းနိုင်ခဲ့တာ နှစ်နှစ်နီးပါးရှိပါပြီ။

                အောင်မြင်စွာပြန်လည်ဆင်းသက်နိုင်ခဲ့တဲ့ လွန်းပျံယာဉ်တွေထဲမှာ Falcon 9 လည်း အပါအဝင်ပါ။ SpaceX ဟာ Falcon 9 ကို မနေ့ကပဲ အာကာသထဲသို့ ပြန်လည်လွှတ်တင်နိုင်ခဲ့ပြီ ဖြစ်ပါတယ်။ Falcon 9 ကို ပြန်လည်ပြင်ဆင်မွန်းမံမှုတွေ သေသေချာချာပြုလုပ်ပြီးတဲ့ အခါမှာတော့ အမေရိကန်နိုင်ငံ၊ Florida ပြည်နယ်၊ Cape Canaveral မြို့မှာရှိတဲ့ လွန်းပျံယာဉ်လွှတ်တင်ရေးစခန်းကနေ အာကာသထဲကို ပြန်လည်လွှတ်တင်နိုင်ခဲ့ပါတယ်။

                Falcon 9 ဟာ သူနဲ့အတူ အာကာသပတ်လမ်းကြောင်းထဲကို ပို့ပေးဖို့ ဆက်သွယ်ရေး Satellite တစ်ခုကို သယ်ဆောင်သွားခဲ့ပြီး Atlantic သမုဒ္ဒရာထဲမှာ အသင့်စောင့်မျှော်နေတဲ့ SpaceX ရဲ့ Drone Ship ပေါ်မှာ ပြန်လည်ဆင်းသက်နိုင်ခဲ့ပါတယ်။

                ဒီတစ်ခေါက် Falcon 9 ပြန်လည်ဆင်းသက်နိုင်ခဲ့ခြင်းဟာ ဒုတိယအကြိမ်မြောက်ဖြစ်ပြီး ပထမအကြိမ်ဆင်းသက်နိုင်ခဲ့တာကတော့ ၂၀၁၆ ခုနှစ် ဧပြီလတုန်းက ဖြစ်ပါတယ်။ ဒီလိုမျိုး လွှတ်တင်ပြီးသား အာကာသလွန်းပျံယာဉ်ကို ပြန်လည်လွှတ်တင်နိုင်ခဲ့ခြင်းဟာ အာကာသခရီးသွားသမိုင်းမှာ တဆစ်ချိုးနိုင်ခဲ့တာပဲ ဖြစ်ပါတယ်။

                SpaceX ရဲ့ CEO Elon Musk ကြီးကတော့ Falcon 9 လွှင့်တင်ခြင်း Live လွှင့်မှုအပြီးမှာ ရောက်ရှိလာပြီး SpaceX ရဲ့ တဆစ်ချိုးအောင်မြင်မှုကြီးအတွက် 

“ဒါဟာ လွှင့်တင်ပြီးသား အာကာသလွန်းပျံယာဉ်ကို ပြန်လည်လွှင့်တင်နိုင်တယ်ဆိုတဲ့ သက်သေတစ်ခုပါပဲ။ လွန်းပျံယာဉ်မှာ ဈေးအကြီးဆုံးအစိတ်အပိုင်းတစ်ခုဖြစ်တဲ့ Orbital Class Booster ကို ပြန်လည်အသုံးချနိုင်ပြီဆိုတော့ ဒါဟာ အာကာသခရီးသွားခြင်းကို တစိတ်တပိုင်း ပြောင်းလဲလိုက်နိုင်တာပဲ ဖြစ်ပါတယ်”

လို့ ပြောကြားသွားခဲ့ပါတယ်။

References
The Verge
About Author
Assinged Tags
SpaceX Elon Musk Space Travel Space Transportation Space Communication Falcon 9
Categorized Under
News

Join Us On

Facebook
YouTube
Twitter
GooglePlus
TechX RSS Feed